Arestado ang Isang paring Katoliko dahil sa kasong theft at felony, makaraang gastusin umano ang pera ng simbahan para sa larong ‘Candy Crush’ at ‘Mario Cart’.
Batay sa ulat, nahuli ng mga awtoridad si Reverend Lawrence Kozak nitong April 25. Nag-ugat umano ito nang iwan ng pari ang kanyang posisyon sa St. Thomas More Church sa Pottstown, Pennsylvania. Kasunod ng imbestigasyon, natuklasan na nagkaroon ng maling paggamit sa pondo ng parokya, at si Kozak ang suspek.
“Father Lawrence Kozak was placed on administrative leave by the Archdiocese in November of 2022. His administrative leave followed a review of Saint Thomas More Parish’s financial activity by the Archdiocesan Office for Parish Services and Support. That review resulted in certain expenses and expenditure levels utilizing parish funds being questioned. The Archdiocese then referred the matter to law enforcement,” ayon sa official statement ng archdiocese.
“The Archdiocese and the parish will continue to cooperate with law enforcement as the criminal matter enters its next phase. Pending the outcome of the criminal prosecution, Father Kozak remains on administrative leave,” dagdag nito.
Nakuha umano ni Kozak ang nasa higit $40,000 na pondo mula sa simbahan at ginastos ito sa mga mobile at slot machine.
Ayon kay Kozak, ang pananaw niya umano sa kanyang nagawa ay pag-power up sa mga laro at hindi sa pagsusugal. Aniya, nagpapakonsulta na umano siya para sa kanyang addiction.
Itinanggi rin umano nito ang mga alegasyon laban sa kanya. Aniya, na-charge lamang ito dahil naka-log in sa kanyang device ang credit card ng simbahan.
FAITH N.DINGLASAN – HN NEWS CONTRIBUTOR
headlinesngayonblog.wordpress.com 